يابني جفا النوم عيني انشوده للمبدعين أبوعلي + عبد المجيد الفوزان

تعال يابني طلبتك لا تخلينــــــــي
احتاج خدمتك يالغالي على شاني

أبيك في خلوتي تجلس تسليني
اليوم عمري كبير وصرت تعبــــانٍ

أقول خلك محلك في بساتينــــي
وأنا همومي ورى شغلي ودكاني

أزعجتني بالندا وأنت تنادينــــــــي
أزعجت كل العرب وأزعجت جيرانٍ

لاصار كثرت علومك في عناويني
والله من البيت تطلع وأنت زعـلانٍ

يابني بعد ماربيتك صرت تجزيني
كره وبغض وزود البغض عصيانٍ

ابليس ضيعك في وسط الميادينــي
تهت الطريق وسلكت دروب شيطانٍ

يابني جفى النوم وانت تجفينـــــــي
الواجب العطف من قلبك والإحسانٍ

علمتك المرجله والعلم والديـــــــنٍ
ولا عمري مره نسيتك يوم تنساني

انا احسب انك بعد هالعمر تشريني
وانت تبيع الغلا بالسوق مجانـــــي

يابوي أنا جيت لك وابغاك تعفينــــي
وارجي السموحهوأنا نادم وحسرانٍ

تايب من الذنب كله يابعد عينـــي
وانا على خدمتك بالحيل عطشانٍ

حسبي من اللي على ذكراك ينسيني
شوهك بفكري وحطك ضمن عداوينـي

لك منزل فوق راسي وراحة يدينـي
اجعل حياتك وروحك داخل احضاني

لاعاد شي على خدمتك يلهيني
يارب اناطالبك عفو وغفــــــــرانٍ

تعال يانور عيني وزهرة سنيني
مافات مات وترى الايام تقفانــي

ابوك ياقف معك بالعسر والليـنٍ
ويبيك ترفع مقامه بين الأعياني

رضيت عنك عسى الايام تنسيني
أيامنا اللي مضت عمت بالاحــزانٍ

يامنبع الود ياورد البساتينــــــــي
أنت حياتي وروحي كل الاحياني

نطلب من الله يثبتنا على الديــــــنٍ
وبطاعة الوالدين نوصي بها اخواني