أعيش بعـدك ألملـم ذكرياتـي لـم...نوازع الشوق تظمانـي وتشربنـي

**هـــاوي** · #1 24-01-2008, 08:52 AM

[ 1 ]
ياروعة الدنيا أنـا ويـش لـولاك ؟
ولو ما ألبي يالغلا حاجـة(ن) لـك ؟
شفني على متن الشقا أطلب إرضـاك
وحاجات نفسك قبل تطلب يجـن لـك
نفسي تبـي قربـك وعينـي تمنّـاك
رغم إن قلبـي ياحياتـي سكـن لـك
دامك ودود وطيبتـك مـن مزايـاك ؟
ودام الوفاء في هالزمن ميزة(ن) لك ؟
اطلـب تمنـى آمـر الـروح تفـداك
وقلبي وعيني والعمر فـدوة(ن) لـك

[ 2 ]
أعيش بعـدك ألملـم ذكرياتـي لـم
نوازع الشوق تظمانـي وتشربنـي
اذا توسدت كفي جاني امحـق علـم
اسكب نديمي وفالسجـات يسكبنـي
كني بري مقيد عنـد خصمـه ظلـم
يصبح على ضيق بال و يمسي بغبني

[ 3 ]
تركت كـل الخلـق لأجلـك ورايـا
والعشق يذبح والهـوى دوم يغويـك
مشيـت دربـك ياغناتـي وشقايـا
حتـى ولـو تبعـد علـي اراضيـك
يااللي غلاتـك عنـدي اليـوم آيـا
وأنتي لعمري تأمريني وانا اعطيـك

[ 4 ]
البارحه وانا اتخيـل طيفـك بشاطـي الغـروب
خانتني الدمعـة وطاحـت وانفضـح مدلولهـا
من بعدها أيقنت إن القلب فـي حبـك يـذوب
وان الليالـي مـا تنسينـي غـلا مجمولـهـا
وان قلت لك في يوم إني عن هواك أقدر أتـوب
أعـرف بأنـي مانـي بصـادق وانـا أقولهـا

[ 5 ]
كل مـا جيـت بكتـب جفـت ا لمحبـرة
والقلم فـي يدينـي يبـي يكتـب قصيـد
هاك علمـي حبيبي كـل شيـئ تخبـره
السوالـف كثيـرة غيـر جرحـي عنيـد
الوجـع معتصرنـي مـا قويـت أقهـره
وكل ما طاب جـرح يلتهـب مـن جديـد
طال ليلي وأنا اللي مـا أحتملـت اسهـره
أسـأل الله يحقـق حلمـي اللـي بعـيـد

[ 6 ]
غيبتك عني حياتي.. خلت الدنيا بعيني
مثل وردة جات منك لي هدية
واذبلت في يديك قبل تصير ليه
وعطرها شالته ريحك..
غيبتك عني حياتي مثل كلمه
اجمعتني من بقايا دفتر.. ماارتحت فيه
كنت أنا وقلبي وعيني حروفها..
ودفترك من كثر ماأحرص عليه
بيدي سلمته يدينك ..لأجل عينك
وعينك انتي تشوف غيره.

[ 7 ]
على العهد يا خلي ورب البيت ما خونك

لأنك زينة أيامــــي ولا غيرك يحليها

تعاف العين لذة نوم ليلــي ما غفت دونك

ولا تسمع ندا غيرك ولــو إنه يناديها

معاك أشعر بأني دوم سيد من سكن كونك

وإني ظلمة مــا لــه سوا نجمك يضويها

[ 8 ]
يا ربيع القلب جيتك شوق ثاير من ليالي
جيتك الاحساس كله عشق ما تفنى سنينه

واحة العشاق زانت من يمين ومن شمالي
يا جمال الكون فيها يوم حنا عايشينه

يا عبير الحب حبك ما يمثل به مثالي
كيف أبوصف شي أصلا وحدك أنتي تفهمينه

[ 9 ]
نيران حبك في فـؤادي ظريمـه
...............وأسراج دربي من سواياك طافي

نفسي تراها في زمانـي سقيمـه
...............مشيتني درب(ن) به أشـواك حافـي

أذكر غرامك فـي ليالـي قديمـه
..............في ليلة(ن) قلبك على الـود صافـي

[ 10 ]
انا فدى ضحكتك ياداعـج العيـن
وانا فدى همسك وحمرة شفاتـك
وانا فدى ورد نبت فوق خدين
ثلجك رواها يـوم ذاب بحلاتـك
منك يغارون الصبايـا المزاييـن
وكل(ن) تحاول بس تلمس عباتك

[ 11 ]
الوقـت ظالمنـي ولانــي بـكـذاب
الهـم والضيقـات صـدري حشرهـا
دايم تعيس الحظ ما يـوم لـي طـاب
لا قلـت راقـت قـام حظـي نهرهـا
لاشك غاب النوم عن ناظـري غـاب
ولعبت بي الدنيا على اشين صورهـا

[ 12 ]
ماتشره الفرقا على رمـح الانكـار
وسيـف المحبـه والغلا يحتريـهـا
يكفيك مني هاجس يلعب الطـار
ويكفيك مني عشقتي مـن يجيهـا
ياصاحبي وش يجمع الثلـج للنـار
مع صورة اللي باعهـا ويشتريهـا

[ 13 ]
اذكري شعري وأنا تحت التراب

والمسي حرفه مثل ما تلمسيني

وأرسلي دمعك بدمعي في الكتاب

واكتبي تحت الشعر ذكرى حنيني

**الذبابي** · #2 24-01-2008, 06:03 PM

السلاااااااااااااااااااااااام عليكم

روووعه اخي هاوي تم الحفظ

**alrazeen** · #3 24-01-2008, 10:53 PM

yeslmoooooooooooo very nice thaaanx

**هـــاوي** · #4 25-01-2008, 08:54 AM

مشكورين اخواني على المرور الكريم

**THE_FOXLIFE** · #5 26-01-2008, 04:15 PM

بارك الله فيك

**هـــاوي** · #6 26-01-2008, 05:59 PM

مشكور اخوي على المرور الكريم

**احبه حيل** · #7 27-01-2008, 04:02 AM

تسلم أخي مره حلوه , بالتوفيق لك

**هـــاوي** · #8 27-01-2008, 09:17 AM

مشكور اخوي على المرور الكريم

**smart130** · #9 27-01-2008, 10:27 AM

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

**هـــاوي** · #10 28-01-2008, 06:27 PM

مشكور اخوي على المرور الكريم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

أعيش بعـدك ألملـم ذكرياتـي لـم...نوازع الشوق تظمانـي وتشربنـي

رسائل , مسجات - MMS - SMS Messages