مشكله الكاميرا في نوكيا إن 95 أرجو مساعدتي + سخافة ضمان مشاعل الخليج

السلام عليكم أنا عندي مشكل عوييصه :
شريت نوكيا إن 95 جديد والمشكلة إذا فتحت الكاميرا وصورت لمدة دقيقه تسود الشاشة وينعاد تشغيل الجهاز وعلى هذا الحال وكمان لو افتح تطبيقين يطفي الجهاز من حاله ويشتغل مره ثانيه
مع العلم إني فرمته وأعدت تحديث السوفت وير حقه من ألنت مع أني شريته محدث وفرمت الميموري وغيرتها بعد .
ولما رحت لمركز مشاعل الخليج ( حسبي الله عليه ) الموظف جالس وبكل برود يقول تبي سوفت وير وألا ايش . وعلمته عن مشكلة الجهاز وأخيرا قال بيدخله الصيانة ويفكون الجهاز ويشوفون وش المشكلة والقهر الجهاز ما صار له ثلاث أيام كيف يفكونه ويغيرون القطع اجل الاستبدال اللي غاثينا فيه وينه ويرجع يقول لي موظف الاستقبال انه الاستبدال على أخطاء المصنع طيب أنا جهازي لو بيغيرون فيه قطع هذا يعتبر عيب مصنعي لازم يغيرونه وطلعت منه بكل برود يقول لي هذا اللي عندنا والمركز مزحوم وش تبغي أسوي لك . يعني والله قهر الجهاز بقيمة راتب شهر كامل له ويرد علي كذا .
ارجوا أصحاب الخبرة أن يدلوني لحل مشكلتي مع الجوال وكيف اعرف هو سوفت وير وألا هارد وير . والحذر الحذر من هذه الضمانات ألفاضيه حتى لو قالوا الوكيل .

اخوي انا بجاوبك حسب الشركات عندنا في الاردن.

عندنا ان ظهر العطل المصنعي في اول ثلاث اشهر تبديل الجوال 100%
عندكم ما اعرف كيف الحال... لكن ان كان الجوال ماله فتره اسبوع فكيف انهم يدخلوه الصيانه

لا اعلم ما النظام عندكم لكن الكفاله ماهي بزينه


ماحد راح يعرف ان كان الخلل هارد وير او سوفتوير الا بعد فحص الجوال

عموما اخوي لا تشتري من عندهم المره القادمه

الف شكر اخوي ابو جاسم
ذهذا انا في محاولات مع الوكيل الفاشل انه ما يفك الجهاز بس عدره القبيح انه يبغى يتأكد الجهاز دخله سوائل وألا طاح يعني عذر مره سيئ يرقعون لنفسهم والمصيبه يقولون لو كان فيه قطه تبغى تغيير نغيرها لك يعني وكيل على ايش .
واكرر شكري لك يا اخوي ابو جاسم

ياشباب طلعت عين الشركة حقت مشاعل الخليج وصلحوا لي الجهاز ورفضت استلامه ووعدوني بعد خمس ايام من الحين انهم يحضرون لي جهاز جديد
طبعا صلحوه بسرعه لاني قدمت شكوى على نوكيا الام وحتى نوكيا الام اشغلتها معي وخاطبوا مشاعل الخليج وعلى شان كذا خلصوه مشاعل الخليج بسرعه بس برضه رفضته
على العموم رقم الشركة المجاني هوه 8008441457
ولا تخلون على قلوبكم شي قولوا كل الملاحظات وهمه راح يناقشون الوكيل ويتفاهمون معاه أياً كان الوكيل وطبعا رقم مجاني لكن الاتصال دولي
كمان الشهادة لله فيه اثنين مشرفين في شركة مشاعل الخليج جداً محترمين وهذولي اللي احتكيت بهم الاول عبدالله محمد الخمشي
والثاني عبدالعزيز العنزي وهوه اللي تفاعل معي بتغير الجهاز وسوى امر الاستبدال
وللجميع تحياتي وشكرا لكل من تفاعل معي بالموضوع
لكن من جد ضغطي ارتفع معاهم وقهروني لكن الحين الحمد لله دامني سويت اللي براسي وطلعت بنتيجه واللي قهرني زود اني ماني فاعد اشحدهم من حلالهم شي لكن طلبتهم بأبسط حقوقي كعميل شاري سلعتهم بفلوسي انا .
والسلام عليكم