قصة حقيقية

ياجماعة الحب والله هوة اللى بيحدد اذا كانت العلاقة حتزيد فى ارتباطها وتعيش ولا لا
انا اسف انى حطول عليكم بس انا ححكيلكم حكاية حصلت لواحد صاحبى
حقيقية بجد
كان ليا صديق بيحب واحدة لمدة 6 سنين.. حب حب مش كلام وخلاص. المهم راح لخطبتها والحمدلله تمت الخطوبة فعلا رغم ان الشاب دة مش جاهز بس فى حب ... وفضلوا مخطوبين لمدة سنة بعد مالسنة خلصت يفاجاء ان الهداية وكل اللى جابة ليها عندة فى البيت وجواب جواة احنا ماعندناش بنات للجواز ...المهم الولد دة اتصدم ....لية ؟ اية السبب؟انا عملت اية ؟
المهم راح البيت عندهم وقلهم فى اية فى شئ حصل منى زعلكم ؟
قالولوا لا بس احنا مش حنجوز بنات
قالهم كدة وخلاص من غير سبب؟
قالولوا اة من غير سبب
قالهم طيب ممكن هى تيجى وتقول الكلام دة ؟
قالوا لا دى نايمة ومش حتقابلك اصلا
قالهم كدة ؟
ماشى
وفعلا مشى
بس بردو جواة احساس قوى بيقول انها عاوزاة وان كل دة ضغت منهم هما
كان جايبلها موبايل ولكنة رجع مع الحاجة فمافيش وسيلة يوصلها الا انة يروح عندها الكلية يقابلها
فعلا راح بس مالقهاش
بقى يروح كل يوم لمدة اسبوع
وبردو مابتجيش
المهم
طلب من صحباتها انهم يخلوها تتصل بية ضرورى وماقلش السبب
حتى ان واحدة منهم بتقولة خير فى حاجة
قالها لا بس ارجوكم تقولولها
قالولوا حاضر بس انت ماروحتش البيت لية عندهم احسن
قالهم معلش اصل فى خلاف بينا وبينهم
المهم بعد يومين
جالوا تليفون منها
عارفين قالتلة اية ؟
قالتلة اى شاب بيتقدم لواحدة لازم يكون عندة شقة تمليك وعربية .....اقصدى شقة مش مهم العربية .
قالها لالالالالالالالالا ازاى لازم العربية
قالها انا اسف جدا انى عطلتك واسف اكتر انى عرفتك
سلام
طلبتة تانى تقولة انا ممكن اديلك فرصة
قالها خليلك الفرصة دى
قالتلة انت مش بتحبنى
قالها انا كنت بحب انسانة جميلة لكن للاسف طلع شبح
سلام
المهم فات شهرين
وهوة راجع من الشغل بتاعة لقى نور عندهم وهيصة لانهم جيران
عرف ان دة فرحها
المهم بعد سنتين
تخيلوا
الباب بتاع الشاب دة بيخبط
والدتة فتحت الباب عارفين تلاقى مين ؟؟؟؟؟؟؟؟؟؟؟
تلاقى الانسانة دى
بتقول انا اسفة وارجوكى قولى ل................... ان انا محتاجاه ارجوكى
المهم والدتة قالتلها طيب ادخلى يابنتى الاول
وراحت تصحى الشاب دة وقالتلة
المهم جاء ليها فى الصالون
اول ماشفتة قالتلة وهى بتبكى بجنون
انا اسفة حقك عليا
انا عرفت ان الفلوس مش هى السعادة
سامحنى
قالها وانا مين اللى سامحنى لما قولتلكم من غير ماعمل حاجة انا اسف
مين حس بيا وقال ان الانسان دة حرام نحطمة ونكسرة
روحى الله يسهلك انا ماعدتيش تنفعينى خلاص
قعدت تترجى فية ..........وهوة ابدا .
قالها انتى بعتينى زمان وانا كنت شارى
دلوقتى بعتى نفسك
اتطلقتى وافتكرتى ان الجماد اللى انتى سيبتية دة بكلمة يرجعلك
للاسف اللى عملتية فيا خلانى مش انسان
انتى حطمتى كل مشاعر الحب والاحساس اللى جوايا
(((على فكرة الانسان دة حاليا من انجح الشباب وربنا كرمة وبقى عندة معرض سيارات وسيبر نت وهوة مهندس اصلا )))
وبسألة بقولة بينى وبينك انت لسة بتحبها
قالى انا مش حقولك لا
بس انا حبيت اللى كنت اعرفها مش اللى كلمتنى فى التليفون



اية رائيكم بقى فى الحكاية دى ؟؟؟؟؟؟؟؟؟؟؟؟؟
ارجوا الرد؟

مع تحياتى.....أخوكم...attboli....

شكرآ دأمآ وابدآ على كلماتك الدافعه لنا على تقديم المزيد
وانت ملكت القلوب والله باسلوبك
وانا عاجز عن الشكر
تحياتى الحاره......أخوك......attboli.....

القصة جميلة وفيها الكثير من الفوائد

وللاسف هذا حال الدنيا مع الكثير لانقول الكل ولكن هذا المنتشر في الاونة الاخيره

مشكور على هذه القصة

وننتظر جديدك
__________________

zafer ؟؟؟؟؟؟؟؟؟؟
شكرآ على المشاركه