₪ تركض على رمشي دمعاتـ .. ₪

₪×₪ وشـ حـدنـيـ ₪×₪



وش حدني للشعر يا كود شوقي
ووش حدني للشوق لولا محبتــْـك

ووش حدني للحب لــولاك ذوقي
وما حد ذوقي غير علمي بطيبتك

حبك تغلغل واستبد فـعروقي
سريت فيها لين فـ القلب صبَّـتك

وان كان به غيرك سكن في خفوقي؟
فما غيرها امّـك يومها ليّ جابتـْك





₪×₪ لميت جـرحـي ₪×₪


لميت جرحي واحتضنته وسافرت
ما للواداع بخاطري غير تجريح

ودي ولكني صمدت وتصبرت
واقفيت اشد اخطاي بالغصب لا اطيح

ما هو جفا.. انا (فلان) ما تغيرت
عقب الوداع.. فراق ما هو بتلميح

ياليتني دمعه فراق وتبخرت
لا( احساس) لا ( وجدان) لا (قلب يصيح)

امشي على ذكراك ولا تعثرت
يا ساكن الوجدان بدون تصريح

ولو خيروني من الملا ما تخيرت
غيرك حشا وش فيه؟.. من هبت الريح






₪×₪ مشتاقـ لكـ قلبيـ ₪×₪



البال ما غيرك من الخلق مشغله
والشوق موجع وإنت ما فيك حيله

مشتاق لك قلبي وإذا ودك اسأله
وشـ لك بـ تطويل الكلام وقليله

من قال لك عذب وليفك وبهذله
عز الله إنه ما كسب بي جميله

بعيد لا احتجتك / قريبٍ ولا اصله
كنك تعلمني وداعك وأجي له !!!!





₪×₪ ياناعس الطرفين ₪×₪



سمعت لأسمك نغمةٍ بين الاضلاع
مع صوت دقات الخفوق السريعــة

ترجمتها لك شوق من كل الانواع
يهتف بها جسم المولع جميعــه

ياناعس الطرفين يازين الاطباع
لك منزله داخل عيوني رفيعــة





₪×₪ تــــعـــال ₪×₪


تعال ونام في عروقي ودمّـي
تلحّفني دفا واتلحفّـك شـوق

تعال وقصّـر الأبعـاد يمّـي
تعال وناظر المكنون منطـوق

يا طيفٍ حتى لـو جانـي بـ همّـي
أبضحك ما بقت دمعات بـ الموق

يا صورهـٍ انثنت من كثر ضمّي
حبيبك بـ الوله ذايب ومحـروق

يفرّج همسـك ونجـواك غمّـي
أبي أرقد وسط عينك ولا أفوق

حبيبي ارقـد بـ قلبـي ودمّـي
تناديني ولَـه وآلبّـي بـ شـوق !!







₪×₪ تركض على رمشيـ ₪×₪

البارحه عيني عن النوم جازت
هلت مدامعها بذكر الحبايب

تركض على رمشي دمعات عيني
والصدر ضاق يوم كثر المصايب

تشتت بالهم أفكـــــــــار عقلي
ووسط الحشى شبت بجوفي لهايب

لجل أحباب ٍ عن الــــــدار قفوا
والقلب ما هو عن هواهم بتايب




₪×₪ اهـــلآ هـــلآ ₪×₪

اهلاً هلا باللي عيـونه رمتني
يا مرحـبا ياروح روحـي وسهلين

باخـلاصـه وحـبه بادلـني
انا وهو بالحـب صـرنا شـريكين

عـطيته قلبي وهو معطـيني
عـطف وحنان وذي سلـوم المحبين

عيد الاتحاد الـ37 للامارات- تهنئة + تواقيع + شعر

[فقط الاعضاء المسجلين هم من يمكنهم رؤية الروابط. اضغط هنا للتسجيل]

Just Sniper

[فقط الاعضاء المسجلين هم من يمكنهم رؤية الروابط. اضغط هنا للتسجيل]

[فقط الاعضاء المسجلين هم من يمكنهم رؤية الروابط. اضغط هنا للتسجيل]

الف شكر لك اخويه على هذا الموضوع