مشكور مشكور مشكور مشكور مشكور

المنتديات عامة صارت كالاتي



المنتدى هاليام
يجي ولد يحط موضوع حلو ومميز ومايحصل اي رد عليه او يدشون عليه 50 ويكتب منهم خمسه
وتجي بنت وتكتب موضوع سخيف وتلقا مليون رد عليه

المنتدى هالايام
الواحد يحط موضوع حاط فيه رابط للتحميل ويلقى رد عليه (مشكور وبطريقة احترافيه كان يكتب مشكور وتكون على شكل قلوب او اشجار او قلب فيه سهم وهناك الرابط موشغال)

المنتدى هالايام
واحد يرد على واحد غيره ويسبه والسبب ليش ناقل موضوعه وفي الاخير يطلع بروحه ناقل موضوع غيره

المنتدى هالايام
وحده تطلب طلب ومليون رد عليها , لو ماكان الرد على العام بيكون على الخاصه برساله خاصه
ولو ولد طلب هيهيه لين يستجيب له او حتى يعطيه احد وجه

المنتدى هالايام
واحد يبي يحط موضوع ليش ؟ الا يبي يكون مشرف وهو مايعرف في الاشراف حتى شو هو وليش هو , بس يبي يكون تحت اسمه مشرف او يبي يكون لونه غير وكل هذا بس علشان يقول حق ربعه : تراني اقدر اطرد ومايعرف كيف يشيل موضوع من مكانه لمكان ثاني

المنتدى هالايام
واحد تحصل عنده الف مشاركه لكن اذا دورت موضوع هو كاتبه ماتحصل ولا مشاركه لا وازيدك من الشعر بيت كله مكتوب مشكور

المنتدى هالايام
حاله نادره من العبط الواحد يحط برنامج والي يرد عليه يقول مشكور على اللعبة والي يحط لعبة ينقال له مشكور على الصورة والي يحط طلب ينقال له مشكور بعد

المنتدى هالايام
واحد يحط طلب ويعيده مليون مره والا حد يرد عليه ان عنده ماعنده صبر (نقول له : اصبر يمكن الي شاف الموضوع عنده بس يحاول يدبر او ماعنده فماحاب يحرجك)

المنتدى هالايام
واحد يحط موضوع ويوميا يراجع عليه ويحص مافي رد (ياخي عادي) يرد هو كل يوم يروح المنتدى ويدور على موضوعه ويرد يرفع برده على الموضوع علشان الكل يشوفه مره ثانيه (نقول له : على عيني وراسي بس في مشاركات بعد مشاركتك تجي وتنزل تحت مشاركتك بهالطريقه فيصير القديم جديد والجديد قديم وحرام )

المنتدى هالايام
واحد يرد على موضوع واليوم الي بعده ناسي اني راد على الموضوع يقوم يرد عليه لانه متعود يرد على اي شي جدامه فتحصل رده على موضوع واحد كذا مره

المنتدى هالايام
فيهم شي ماعاجبيني يجبر الشخص انه يرد علشان يشوف الموضوع ياخي يمكن شاف الموضوع مكان ثاني ويمكن الموضوع قديم فبرده عليه بيرفعه وبيغطي على الجديد خلوه اذا بيرد بيرد من حاله ترا حتى الاسلام يدخلونه الناس بكيفهم مب غصب

المنتدى هالايام
الواحد لو نقل موضوع لا تزعل بالعكس افرح لان انت اذا حاط موضوع مفيد تراه علم نافع وتحصل جزاك من عندالله لو نشروه وشو تبي من الناس (لا والحبيب يقول فلان سرقني :565: )

المنتدى هالايام
حدث ولا حرج واذا حدثنا مابنوقف بس انا تعبت من الكتابه واذا قلت شيلو عني كل واحد يكتب والله مابنخلص

بس ليش يعني مانحاول احسن من هذا

كل واحد يشوف وين غلطه في هالاشياء ولا يسويه كل منتدى يحب اعضاء يكونو متواجدين لكن والله بعقل


الكاتب
KINGS