الطريقه الرهيبه لسشوار الشعر

السلام عليكم ورحمة الله وبركاته

1- بعد ما غسلتي شعرج.. اتجففينه بالفوطه..
2- خليه شوي يشم هوى يعني يجف من تلقاء نفسه..
3- اول ما يصير نصفه مبلول ونصفه جاف اهجمي عليه..

4- اقسمي الشعر لاربع اقسام..سوي فرق في النص.. نص الراس.. وبعدين بيستوي قسمي.. وقومي واقسمي بالعرض القسمين.. يعني بيصير على شكل +.. ولمي القسم على اليمين فوق ودوريه وحطي القابض الماسك.. واليسار فوق نفس الشي.. ويمين تحت نفس الشي واليسار تحت نفسي الشي..
5- وخذي الجزء الاول الي على اليمين تحت ومشطيه بمش بو اسنان علشان تفككين الشعر..
6- حطي كريم بالمرز الاخضر+ سيروم كريستال.. خذي كميه قليله جدا منهم وامزجيهم لانهم يخلون الشعر دهني.. ووزعيهم عدل..
7- جاء دور الاستشوار والمشط الكبير واستشوري جزء جزء يعني شوي شوي ولين ما يصير سايح.. ودوري المشط ذو رول وردي وردي سويه مره مرتين ثلاث لين ما يصير سايح.. ولا تلصقين المشط الرول بالاستشوار بيحرق المشط جذيه..
8- وسوي نفس الطريقه في الجزء اليسار لتحت.. وبعد ما تخلصين جزء اليمين فوق وبعد ما تخلصين جزء اليسار فوق..
9- وعقب ما تنتهين تيين للغره (القصه) ونفس الطريقه بس بالرول الصغير..
10- وتاخذين من السيروم قليل جدا وتوزعين على كل الشعر وتمشطين بالفرشاه بو اسنان..
11- لمي الشعر وربطيه وبعد ساعه ردي بطليه وشوفي الشعر الحرير الي يطير في الهواء..