OoOoOoOoOo menokia.com oOoOoOoOoOoO


أشتقت أضمك لاأجل أعلمك وشلون
كيف المشاعر نازفه فى غيابك
وكيف الزمن من دون غيبتك مجنون
وكيف الفواد يجيبنى عند بابك
هذا الفراق المر بناظري ملعون
لانه خذاك وعن عيونى غدابك


OoOoOoOoOo menokia.com oOoOoOoOoOoO


بعض المواجع لها ما تنفع الفزعة
وبعض المواجع وجعها من وجع ناسي
عودت نفسي على الصدمات والفجعة
ولو دست جمر الزمن ما ينحني راسي


OoOoOoOoOo menokia.com oOoOoOoOoOoO

من طوّل الغيبات جاب الغنايم
إلا إنتْ من تبعد تجي شايل جروح
علمني مره جيت مغرم وهايم
كل ما تجيني تحرق أعصابي وتروح


OoOoOoOoOo menokia.com oOoOoOoOoOoO

الذنوب كبار والخالق رحيم..واهني اللي به الخالق رحم

العفو ياسيدي ذنبي عظيم..والأمل في عفوكم ما هو وهم

كن قلبي بعدها اصبح حطيم..وكن ظهري نفذ منه سهم

فيني احساس ترى ماني عديم ..حالف ٍبالله اللي خلقنا من عدم

فمان الله ياقلب حساس ورحيم ..تعبت أغليه وأحبه ولقلبي.. مارحم

OoOoOoOoOo menokia.com oOoOoOoOoOoO

شربت المر لجل اعرف..
..الامن طحت :وش هو المر ؟
واحاول قد مااقدر اخلي المر ..حالي
ترى يومي نويت ارقى ..بكفي حفرت الصخر
ولا احد عليه،،افضال غير الله ثم أفعالي
ابعرف من حضرتك حتى تجي بهيبتك مغتر ؟
على بالك بذا الحال ..ممكن تقلب احوالي ؟؟


OoOoOoOoOo menokia.com oOoOoOoOoOoO

جاء يطيب خاطـــــــــري بكلمتين
يحسب ان رضاي مضمون وسهل
عذره إالي رجعه ..شوق وحنين
يحسب ان رضاي بشوية غزل
مادرى اني حالف وحالف يمين
ما ارد بكلمتي مهما عمل
ما يلين القلب والله ما يلين
وان زعل يزعل ما يهمني ..قول وفعل.


OoOoOoOoOo menokia.com oOoOoOoOoOoO

كان فيني عيب ..قلي فيك العيب الفلاني
كان هرجي مزعلك في شي ..قلي لاتعيده
جيت مابيك تحقرني ..جيت أبيك تعز شأني
جيت آبي فزعة ضلوعك من مشاعرك الفقيده
يعلم الله شفت منك ومن غيابك ماكفاني
كان ماتقدرتخفف هم قلبي..لاتزيده.


OoOoOoOoOo menokia.com oOoOoOoOoOoO

لو الزمن مره يجينى على الكيف
مقدار ما يفهم ..لبيب الاشاره
بشرت غلطاتى بحسن التصاريف
واخذت من نفسي ..لنفسي بشاره
وش يحرج الرجال غير المواقيف
اللي تنزل هيبته ..واعتباره
والله لو تعرض رقبتى على السيف
أهون علي من الندم ..والخساره


OoOoOoOoOo menokia.com oOoOoOoOoOoO

قولي تكبر قولي انسان مغرور
قولي علي اني عديم المعاني
قولي بعد ما عندي احساس وشعور
واني نسيتك وانت قلبك نساني
لا ما باعتذر منك ولو كنت معذور
ونعم معك بالذات لي طبع ثاني
ادري قهرتك بس انا كنت مقهور
ياحلم الماضي وغلطة زماني ..

OoOoOoOoOo menokia.com oOoOoOoOoOoO


ليش اتضايق وانزعج واسأل وش الداعي ؟
انا ادري منت اول من ترك (للوقت تلويـعي)
على كلٌ بسيطه والعزا للصدق والناعي
اسمع..ليه اطولها معك ..يامشتري بيعي؟؟
تسهل وانتبه لاتلتفت لي واترك اوجاعي
لقلبي ..وان لمحت العذر..لاتفتح مواضيعي


OoOoOoOoOo menokia.com oOoOoOoOoOoO


انت تدري اني شفاف المشاعر
محتمل جرح الكرامه والشعور
احسب لاحساس غيري الف خاطر
ما اندفع واتهور فبعض الامور
دايماٍ ما بنجرف خلف المظاهر
واثـق بنفسي وذا ماهو غرور
وانت مع كل الأسف لك طبع اخر
ما تحس بكل ما حولك يدور
تعرف انك عالغلط لكن تكابر
كل ما جيت انصحك فيني تـثور


OoOoOoOoOo menokia.com oOoOoOoOoOoO

توي يابعد دنياي بجرحي تساويت
وقدحت صيوّان الفكر للكتابة
يقرا انشغالي بيت ويفسره بيت
قبل اعرف ان البحر جد السحابة
أكذب عليك ان قلت لك ما تمنيت
ألقى لخطواتي طريق ورحابة
وانت تعرفني زين لا رحت لك جيت
مثل السؤال اللي تجرّه إجابة
أكذب عليك ان قلت لك ما تمنيت
للحزن فرح وللمشاعر صبابة
أهم شي انك معي وين ما اقفيت
ضحكة وتنهيدة وحلم وغرابة
يعني على ما قيل شفني تشاويت
واقف بوجه الريح عزم وصلابة.


OoOoOoOoOo menokia.com oOoOoOoOoOoO

أحتاج قرْبك..لكن أشياء تمنع
يمكن لأني شامخ ونفسي تعزْ
ودي أجيلك بس ماودي أخضع
وإلا الحقيقه بشوفتك عيني تفزْ
يا إنتْ يا أنا..أو الدنيا تدمع
أشياء واجد في خواطرنا تحزْ
لا يغرّك المظهر ترى والله يخدع
الوقت هذا ودنيتك هذي ترزْ
إسمع كلامي يا تجيني..وتسمع
وإلا بقولك: روح في دربك وطز.


OoOoOoOoOo menokia.com oOoOoOoOoOoO

غاب أعز الناس يوم اني بغيته
وفارق القلب الموادع لانشراحة
يوم ودع كل مابراسي رميته
وتهت بعيون تحكم بالمساحه
ساق لي دمعة ومن دمعي سقيته
وانكسر له خافق ماذاق راحه
أبعد وطول غيابه وأحتريته
بين الامل مرجاعه وروعة مراحه
يانسيم الصبح لا مريت بيته
بلغه شوق وعطر لي صباحة
وقله مطلوبي ..ليته وليته
لايتثبت بدل عطفه ..رجعت جراحة


OoOoOoOoOo menokia.com oOoOoOoOoOoO

لو كان طيفك فى وصالي حبيّب
ما كانت الغيبه عذاب وتدينـك
بالله قلي ليـه بـس متهيّـب
وصلك شحيح ولا تبين حنينك
الشوق لاتخفيه ماهـو يعيّـب
يا جعل تبطي بالسعادة سنينـك
من غيبتك والله مانـى بطيّـب
وإنشد يمينى يوم تحضن يمينك
وينك حبيبي ليه بـس متغيّـب
إشتقت حتى جيت أبنشدك وينك ؟؟


OoOoOoOoOo menokia.com oOoOoOoOoOoO

اشتريك بالف صبر وبالف سمع وبالف طاعه.
شوف كم مره شريت ارضاك ما فكرت ابيعك.
كنت في عمري يقين وصرت لاحساسي قناعه.
من شرب صيفك وضم اشتاك يستاهل ربيعك.
صوتك اللي ذاب فيني شوق واطربني سماعه
لو طرالي في منامي صادق احساسي يطيعك
ما يبدلني زمان ولا تغيرني قطاعه
دام باقيلي بعمري يوم ما فكرت ابيعك


OoOoOoOoOo menokia.com oOoOoOoOoOoO

سألتك باللذي حطك على راس المحبه تاج
تحبني ولاتتسلى بأحاسيسي و وجداني ؟
و تحتاج الغلا قلبي مثل مالك انا احتاج
او اني بعد مافارق حدود الشوف تنساني ؟
حبيبي عايش بحيره و اقلب صفحة الابراج
و ضعت بعدل ميزانك و صمت و ظلم ميزاني
أنا مثل اللي تايه و ينظر من بعيد سراج
فلا نوره وصل دربي ولا ملقاه دفاني
تعال اصير لك شاطي اذا حزنك يصير امواج
تعال و خذ فرح قلبي اذا قلبك بدى يعاني
حرام انعيش في دنيا الخجل و الصمت و الاحراج
و أحبك كلمه على لسانك و ملت تسكن لساني

OoOoOoOoOo menokia.com oOoOoOoOoOoO

حبيبتي اسمحي لي بخونك ..من غلاك
اكرهيني واتركيني واقتليني يا ملاك
لا صار في موتي حياتك من اكون
اجرحيني واهجريني بس اخون
ادري طريقي صعب
وادري فراقك صعب حتى رجوعي صعب
ما به حلول..لكن بقول أتعذبي يوم ويمكن شهر
وانسي السهر وانسي القهر..وانسيني
عيشي حياتك كلها..بحلوها ومرها
يمكن تلاقيلك حبيب يصير لجروحك طبيب
وترجع فرحتك ثاني وتنسى الحب وتنساني
وتترك ديرة احزاني واشوفك في ليالي الصيف
تمر جنبي كأني طيف واشوفك مع حبيب ثاني
اشوف بعيونك الفرحة
وحزني شوه اجفاني
وقلبك انبرى جرحه ..وقلبي انجرح ثاني.

OoOoOoOoOo menokia.com oOoOoOoOoOoO


الا ياوقت وين اللي على بالي يجي ويروح
هذا اللي ملك قلبي و تفكيري و وجداني
اموت بطيفه اللي لالمحته تنتشي لي روح
أحس أني اذا شفته كأني بعالمن ثاني
أحبه و الامل باني على قلبي من غلاه صروح
حبيبي لو يمر طيفه يبدد ماضي احزاني
احبه حب لو يدري عن اللي بخافقي من بوح
نسى كل الزعل و ارخص حياته دون حرماني
تحملت الخطى منه و اذا اخطى بعد مسموح
حبيبي ماعليه ازعل اذا اخطي و خطاني
تذكرته و انا ناسيه و نسيته و الوفى مجروح
غريبه حالتي والله ..و اهو ذكراه نسياني


OoOoOoOoOo menokia.com oOoOoOoOoOoO

صباح الـورد ياشـوك الـورود ..وكذبـة التعبيـر
صباح الحب ...لا والله صباح القسوه ياغالي..
قصيده غير هالمره..عل فالـك وفالـي خيـر
مدام انهـا كـذا طقّـت براسـي ..جـرّب اهبالـي
غبي..لو كنت تحسبني مصـدّق كذبـة التبريـر
انا مشيّتها بكيفي ..عشـان اعـرف وش التالـي
غلطت بحقي قلت اصبر..عشان اتجنب التقصير
وقلت امشي معك لآخر دروبـك وراح انسـى من هبالـي
لإني انسان متفهم وعـارف كـل شـي ايصيـر
اسامح من يخطى واحسـب يعـدل غلطتـه تالـي
غبي ومن اكبر اعيوبي ..افكر فـي مـراد الغيـر
احس بحزنك وقلبـك ولا يـدري عـن احوالـي
وتمر اوقات احس انـي ذكـي وافسـرك تفسيـر
واحس انك ذكي وتفهم وش اللي يدور فـي بالـي
تفضل وانصدم ..قلبي الحنون اجتاحـه التغييـر
تفضل روح وافهمنـي ...انـا مابيـك يالغالـي


OoOoOoOoOo menokia.com oOoOoOoOoOoO

يادخيل الله على ليل أسْهره
يخنق انفاس النعاس ولا يغور
ويا ثقل دم الزعل من ذكّره
هذي الليله وجابه لي..غيور
عطّر أجواء المكان وبخّره
عمري المسكين وجرح ٍ به يثور
يا (قلم ) وان جف ريق المحبره
أكسر الروتين باحساس وشعور
واسمع اسباب دعتني اكسره
ما تربيت انسان ألف..أكذب أو أدور
دام ما بالقلب على اللسان اذكره
ما اخلي شيء في نفسي يبور
أيه يا عمري كفايه مرْ ..ومرمره
لى متى والآه في قلبي تفور؟
حاجتين اسأل ونفسي مْكدّره
ليه كذا الأصحاب صارت بي تجور؟
وصدرهم لا ضاق انا ليه أجبره ؟
دام منهم ما اخذت الا الكسور
(ماعلى الدنيا عتب)..دام هالمرَهْ
جابت اصحابي عليّ شرْ..وشرور


OoOoOoOoOo menokia.com oOoOoOoOoOoO

لاصرت بايعني أشوفك على خير
مع السلامه دام مابه سلامه
قلت انتهينا ؟ قلت لك :خير ياطير
ماني بأول شخص يخسر غرامه
محذرك من قبلها ألف تحذير
لاعفتني بيعوف قلبي هيامه
مانيب ميت ولا أحتاج تبرير
صح الله لسانك ووفر كلامه
يصدق معي تعبير ويخون تعبير
ولو ماحترمتك ..للغرام احترامه
كان حبك غير ..بس طعنتك دبل غير
علمتني معنى الندم والندامه
ماجاك مني أي زله ولا تقصير
كل ما اخطيت اعاتبك بابتسامه
حسبي على الذكرى اذا هبت اعاصير
ماعاد تنفع شرهتي والملامه
البال ظامي وقتها والحزن بير
والهم انا اول من كسبت اهتمامه
والليل فازع لك كذا جاني مغير
وفزيت كل ضيف اقوم بمقامه
وليا عزم هالليل ضيقه وتفكير
قولي بربك كيف أقدر انامه
مافيه داعي للعتب والمعاذير
الغدر خال الجرح واطيب عمامه
يجيب الله مطر ... تالي وخير
والا السلامه (مااااش) ما من سلامه

OoOoOoOoOo menokia.com oOoOoOoOoOoO

خاص ..(999)

كان الزعل
كوش على قلب(؟؟؟) تراه مسموح
انا غلا (؟؟؟) ...كوش عليه
غلاي له صافي من الروح للروح
واكبر من احساس الخويّ بخويه
من كثر ماني من خطاياه مجروح
حبيت أخطائه ..خطيه ..خطيه
كان الرفيق اللي معي وين ماروح
وصرت كني عدو يبي مِنـْه ديـّه
ماكان لي في خوته أي مصلوح
خيٍ يبي يكسب رضا قلب خيـّه
صادق معه كني له كتاب مفتوح
و كنت اتأذى مثله لو يحـس بأذيه
كان الزعل مابيننا ضحك ومزوح
وكانت محبتنا ..محبه قويــه
كنا نهد صروح ونعمر صروح
ما هزنا عصف الرياح العتيه
كنا وكنا فعل ماضي و ( مذبوح )
مدري بيدينه هو ؟ ..والا بيـِديّه
كان الفراق يسعده ..تراه مسموح
أما انا..(فراقه يالبدر )..قضى عليه


OoOoOoOoOo menokia.com oOoOoOoOoOoO

عشق المحب اليوم أكبر جريمة
من عاش فيها ينتظر حكم الاعدام
بصبر على جرحي بصبر وعزيمة
دامه يواسيني بـ احاسيس والآم
وبتبع حزن قلبي وعيني كريمة
والثانية فيها مثل رمي الاسهام
دام الغلا ينباع منهو غريمة
يبقى غريم الوقت ويشقى فالاحلام
ارجوك لاتطري علوم ٍ قديمة
يكفي عتب..يكفي صبر..يكفي إخصــام


OoOoOoOoOo menokia.com oOoOoOoOoOoO

ليل ذكرى..طيف..واطلالٍ.. وخـِـل
وحلم...في عمر الامل باني(Tower)
يالـفـرح..دام الـحـزن..قـيـصـرك..فــل
وش يـجـيـب الاطـلسي...لاصغـر نـهـر
اربـع ارواحٍ تــوارت...تـحـت ظــل
كمـّـلـت في لـيـلــة الـبـارح ...شهـر
آه يـا حـلــمٍ بـنـيـتــه....مــات..ذل
وعـاشـت احـلام الـسـلـنـتح..والدشر
وانـت يالـلي.. تـنـبـش جـروحي بحـّل
دونـك الـحـظ الــردي...والـلـه قـصـر
لـو غـسلـت الـقـلـب...من حزنـه..بـجـِل
ما يطيب القـلب..لو ياخذ ( Shower)
تـل حـرفـك...خافي المكـنـون....تـل
ويـوم جـيـت الـوقـت... بانـيابـه..كشر
نـاس شـوك...ونـاس مـاطـاهـا...سهل
نـاس فـيها قـلـب...لـكـنــه .. حـجــر
خـذنـي كلي ... والا تـدري..خـذ وخـل
دام مـابــه ...حـزن فـيـنـي....مـا عـبـر
الـزهــر...يـغـنـيــه عـن مـاطــره...طـل
وكـل كـوكـب...بالـفـضـاء.. حوله قمر

OoOoOoOoOo menokia.com oOoOoOoOoOoO


كانك بغيت رضاي أنا ادوّر رضاك
وماارضى بساعات الزعل من جنابك
وكانك بغيت مناي في ساعة لقاك
ابشر بعزّك وانسى همٍ سطابك
اثر الغلا مغبون..دايم برجواك
واثر الغلا مجنون فاصل وشابك
انت الغلا وكل الغلا داخل حماك
ازعل عليّ والله لارضي اللي جابك
خذني سرابٍ للعطش حزّة ضماك
واليا وصلت الماء فنوّخ ركابك
خذني كما طيرٍ القنص داخل سماك
كل الطيور الطايره هي تهابك
عايش وببقى ذايبٍ في وسط ماك
انت العزيز وكلّ همّي جنابك
عرق الغلا في خافقي قال لك هاك
هاك الغلا دام الخفوق يحيابك


OoOoOoOoOo menokia.com oOoOoOoOoOoO


لا تحسبين الغلا معناه انّي اسألِك
عن مكاني وسط قلبك يوم جيتي تسأليني
عن غلا وسط الضماير كنّي اللي مِهْمِلِك
لا وربّ العرش مهمل قلب وافي محتويني
امسكي اعصاب قلبك واحسبيني من هلِك
دام عرق الشوق فيني نابض بحبّ دفيني
قالوا فـ الامثال دايم :واثق الخطوه ملِك
والله انّي من عرفتك وعرش كسرى في يديني
هو يتيم الحبّ كيف انّه يجي لك يكفلِك
شوفي وش سوّى بي حبّك شوفي وش سويتي فيني
لا لمستي كفّ ايدي وربي نفسي آكلِك
ولا ضحكتي ويل حالي فرحتي تصرخ بعيني
لا وربٍ قد وهبك الزين انّي مـاسألِك
وان سألتك عن غلاي اللي بقلبك فـاساليني

OoOoOoOoOo menokia.com oOoOoOoOoOoO

لعيونك انا حنّيت
رجعت اكتب
وببقى اكتب
دام اهي عيونك خذتني
لابعد مكان
يوم اهي حبٍ ..بكتني
وش بعد
ايه احبّ عيونك النجلا
واموت لامن غدت خجلا
كل زينٍ اكتساها
ليتها ترحم عساها
ومن نساها
جعله يذوق العذاب
وجعله عن عيني يغاب

( حتّى لو انّه انا )


OoOoOoOoOo menokia.com oOoOoOoOoOoO

انا بنسى هواك وكل شيٍ كنت انا اهواه
وبنسى كل دربٍ كان يودّيني على حيّه

وبنسى كل ساعه عشت انا فيها على رجواه
وببكي كل ماتطري علي بروحه وجيّه

وداعيه يااغلى الكون ودمع العين انا اقواه
مصير الدمع يتوقف والدمعات منسيّه

وداعيّه مدام النبض كثر الدمع قد ارواه
كفايه ياحياتي بس ترى قلبي كثر غيّه

انا بلقى لقلبي طبّ ولو هو علّني بدواه
مدام ان الدعاء بالموت بالاقوال منهيّه

ومدام انّ الهوى كلّه مجرد دمعتين وآه
فأنا بنطق باعلى الصوت وداعيّه وداعيّه


OoOoOoOoOo menokia.com oOoOoOoOoOoO

تحياتي
محمد