OoOo حبيبي سامحني ما أقدر أحبك!! OoOo

حبيبي..

إن قلت أكرهك

غضت نفسي وما غضتك

لأني ما أعنيك أو حتى أهمك

ولا حتى شعوري خالط شعورك بدمك

أو فرحتي هي فرحتك

ولا همي همك

بس كانت جنتي مابين ضحكة سنك

وجهنمي نارها تقيد بدمعة من دمعك

وإن قلت أحبك

أحب وهم سراب ما حبيتك

الحب من قلبي وطبعي

والتجاهل جزاي وطبعك

الأنانية طبعك ومن صفاتك

تكذب علي وعلى غيري لو قلت حبيت

تكذب لو حبيتني لأنك ما تحبني و لا تحب سواي

تكذب شفاتك ويخونك لسانك لو نطق بكلمة"احبك"

تظن هالكلمة تجرحني..تفرحني..تخدعني..تقربني منك أو تبعدني!!

غلطان صدقني

أنا وقلبي الندمان بالأول وبالتالي إنت الخسران

إنت اللي بالحسرة والندم بتلحقني ..صدقني..

(أحبك)

كلمة تثيرني..تهيج مشاعري..تهيجني أنا بكل ما فيني..

لجلها يخفق قلبي يجن جنوني

ومن غلاها أتحمل المر الويل لوغلاها طلع عيوني

(أحبك)

كلمة تهمني وتعنيني

واللي كثرها يهمني

"أحبك"

تكون صادقة

نابعة من قلب مخلص يحبني ويموت فيني

يحبني ويموت فيني ويبيني

يحبني وبحبي يتحدى نفسه قبل العالم لجل خاطري وعيني

يحبني وبالغالي يشتريني

ما يثمني برخيص ويبيعني

حبيبي

ما أقدر أكرهك

لو كرهتك يعني بالأصل ما حبيتك

أو حتى حبك جرى فيني مجرى الدم

والحزن والهم اللي عشته بتجربتك

ما هو هم ألم..خيال وهم

بس سامحني

سامحني حبيبي

ما أقدر أحبك

قلبي ما يتحمل كثر ما حبك

ومات فحبك بعد يحبك

ما يتحمل لو لحظة زيادة تعذيبك

لأني ما كنت ولا بكون حبيبك

ما ودي أقول الله حسيبك

ولا روح الله لا يجيبك

أو حتى جروحي ما تطيب إلا بك

سامحني

لو ظلمتني..لو خنتني..لو جرحتني..لو خدعتني..

لو إنك لعبت بشعوري وما حبيتني

قلبي ما يتحمل يقسى عليك

قلبي ما يطاوعني أدعي عليك

الأيام بينا ما تهون

لو إنك تخون وما تصون

وتدعي إنك طيب وحنون

كل من يقوم بطيبه واصله

وهذا أصلي وهذا أصلك

طلعت قليل بأصلك

بخيل بوصلك

كريم بجرحك وهجرك

سامحني

وما أظن بالأساس زعلتك اللي بتزعل مني

لو خيبت ظني فيك

ما راح يجي اليوم اللي أخيب ظنك فيني

بس ما أظن بالراي توافقني أو تعارضني

بس اسمعني ,, وجاوبني

ليش أكرهك وإنت ما تكرهني؟!

ليش أحبك وإنت ما تحبني؟!

صحيح أحس فيك وتحس فيني

وكنت أظن أني أفهمك مثل ما إنت فاهمني

لكن اتضح لي

أني فاهمتك بكل شي

متفقة معاك بكل شي

إلا أني أحبك وتحبني

أنا أحبك وإنت تتجاهلني

تلعب بقلبي وتلعب فيني

منحرج من نفسك

ولا منحرج مني؟!

منحرج إنك تصدق لو مرة بشعورك

وتتنازل عن غرورك

يا أخي تكلم انطق قول أنك (ماتــــــــــــــبـــــــــــيــــــني)؟!

سامحني

يا قلبي سامحني

لشخص ما يستاهل أهديتك

بيد إنسان بالحب جاهل حطيتك

هو سبب جرحي وجرحك

قطع شرياني

وشريان حبك ونبضك

ولحظة ضعفك قسيت عليك ..دست على جروحك..و باسم الحب ترجيتك

تألمت وتألمنا ولا هو حس فيني أو فيك

سامحيني

يا عيوني سامحيني

جاني عذبتج وسهرتج

مثل حبات الرمل أرخصتج

على فنان رسم أحلام وردية في ذهني

والواقع بعيد عني واليوم ذرفتج واللي بعده ذرفتج وذرفتج..

سامحني يا كبريائي

وإنتي ياعزة نفسي

على إني ضحيت فيج

نزلت راسي ونزلت منج

ومن عالي السما وعالي للأرض وطيتج

لإنسان متجرد من الإنسانية

إنسان ما يحبني ولا حبني ولايحبج

إنسان بالأصل تمثال ملامحه الجمود الأنانية والعدوانية

إنسان غدار ناكر للمعروف

وذنبي معاه أني طيب صادق وصافي النية

سامحيني..