معانات سائح سعودي بدبي 0000( 2 )

في اليوم التالي أحبتي قررت وصممت أن أوقف السياره في الموقف ونذهب مشاويرنا بالموزين اصرفلنا دقت الساعه ارابعه بتوقيت دبي هيا يا أولاد استعدو للانطلاق نزلنا بالمصعد مسرورين ركبنا اليموزين وهناك التكاسي أكثر من الناس أنطلقنا الى احد اكبر المجمعات , بدأنا ندخل من محل الى محل تعبت وطلبت من العائله الذهاب والتسوق بمفردهمواستريح أنا في أحد المقاهي احتسي الشاي , نظرت للجالس امامي بشعره الأشقر يداعب من امامه بقمة الرومانسيه تارة يلمسها بحنان ورفق وتارة يقربها الى فمه لا انه لايقبلها فقط بل كأنه يأكلها ما أجمل الحب نظرت لحالي وقلت لو انها أمامي لتغير الوضع لعفصتها بيدي وجعلت عاليها سافلها انها قطعة كعك لا قامت ولا قعدت . ولكن لكل واحد اسلوبه في اللأكل ,ويلي اسمع ضوضاء وجلبه مذا حدث أوه انهم الاولاد أتوا فمرحبا مرحبا بمن حبا ودبا ابي اريد كيك ابي انا ابي دونت ابي اريد ايس كريم
والمدام تريد كابتشينو يامره راح عصر الكبتشينو والي يبي كروسان المهم جبنا الطلبات واشوى ان الي شعره اشقر راح كلو واستانسوا سالت المدام شريتو شي قالت البضايع غاليه هنا قلت اكيد والله الي في السعوديه أزين وارخص وقالت بعدين أنا بوفر فلوسي لاني ابشتري جيب ابو مية الف يقولون بيسمحون للحريم بالسواقه وما ابي ام فلان تصير احسن مني قلت يا عزي لحالي انا ما هو انتي . المهم خلصنا وقمنا , وياعيني على شكل الطاوله ما تقول الا مكان بدو راحلين من الحوسه . عاد وش علينا قلت للمره ابد ماتحضرون لو اوديكم لندن قالت وش عليه دافعين فلوس حق الأ كل والنظافه , وهي صادقه جينا بنرجع وقفنا ليموزين يالله لا تنسون شي من هالاكياس ولا تنسون بعضكم وقمت اسميهم واحد واحد . قال السواق وين يروح بابا هاه وين اروح أم فلان تعرفين اسم الفندق الي احنا فيه قالت لا , قلت والله انا معرفه بعد قالت انت أخذت بطاقه للفندق قلت حاطها بالسياره حقتي , لا والله البلشه معليش دبرنا انفسنا قعدنا نلف على الدوار اكثر من عشرين مره عشان نعرف الشارع الي يوصلنا للفندق . وصلنا بحمد الله وسلامته انشاء الله ما أكون ثقلت عليكم بمعانات هذا السعودي ترى تحصل في أحسن العائلات .

بسم الله الرحمن الرحيم :

شكرا جزيلا على هذه المشاركة الرائعة