قصة عبود وميرووه

السلام عليكم

اليوم بخبركم عن قصة عبود وميرووه وقصة جديده من قصص جذب البنات

بنبداء القصه

عبود : هلا ميره شو الاخبار ؟

ميره : والله بخير حبيبي , فديتك تولهت عليك وايد

عبود : انا زعلان لا تحاولين . منو كنتي تكلمين امس طول الليل عندج خط ؟؟
ميروه: شوف عن الحركاات انا كنت اكلم ربيعتي في امريكا .

تعرف عندي وايد من ربيعاتي يدرسن برع ونا كنت بسير وبويه كان بيوديني بس انا قلت مابا ؟؟
عبود : عن الخقه . بس عرفنا انج ترومين
ميرووه : انا مب خقاقه انت لي حساس وايد , حبيبي امس كلمت كل ربيعاتي لي يدرسن برع وخلص كل رصيدي ؟
عبود :خيبه امس انا محطلج 500 درهم فالرصيد
ميرووه : يعني 500 وايد علي ؟؟؟؟؟ بتذلني يعني عليهن طز مابا خلاص يا بخيل كنت بردهن لك وزياده يوم ابويه يرد من لندن اول ما يرد بيعطيني 5000 درهم .
عبود :بس انتي قلتيلي من يومين ان ابوج في سويسرا .
ميرووه :هاه شو متى ؟؟
(الويه تلون) هيه صح ترا اليوم سار لندن مع وفد .ترا ابويه بزنس ماان وكل يوم في مكان .
طق طق طق حد يدق الباب على ميررروه .ميرووه وصمخ بطلي الباب (صوت ريال )
عبود :ميره من هذا ؟
ميرووه : هذا اممممم اخويه
عبود بس انتي قلتيلي انج وحيدة امج وبوج ودلوعتهم
ميرووه : هاه شو حبيبي ما اسمعك صوتك يقطع(ماتعرف شو تقول تفكر في جذبه )يا غبي انته ماتفهم هذا ولد عمي بس مثل اخويه رابي عندنا من كنا صغار .
عبود :هاهاه اخرط على الي ماتعرفه ولي تعرفه زيده هههههههه
ميروه :شو قصدك ؟؟ انا جذاابه ؟((ميته من القهرقافطه ماتعرف وين تودي ويها)
طق طق طق
حد يدق الباب مره ثانيه . ميرووه بطلي الباب انا امج
ميرووه : هلا امي . حبيبتي انا دلوعتج حبيبتج صح ؟
(عبود ملصق اذنه فالسماعه )
الام : ميرووه ويا هالكشه بلاج مبهدله اغسلي ويهج ومشطي شعرج ( ميرووه قافطه هاهاهاوالله امي انتي سوالف ومصخرتج حلوه )
وعبود ناااااقع من الضحك .
الام : ميروه ليش توا يوم يا ابوج يدق الباب ما رديتي عليه ؟ يالله قومي حاطين الغدى وخوانج وخواتج كلهم داخل بتتغدين ويانا ولا ناكل عنج ؟
ميرووه :انزين يايه (خلاص ماتعرف شو تقول ولا تعرف شو تسوي )
عبود : هاهاهاهاها والله انج جذابه وحيدة امج وبوج وبوج تاجر في لندن
هاهها؟
ميروه : جب انته انا كنت العب عليك اصلن ونا مارمس هالاشكال .
طوط طوط طوط طوط بندت في ويهه وقامت تصيح
عبود مطرش مسج (انتي الخسرانه كنت شارلج موبايل يديد ورقم مرتب )
ميرووه : والله اني غبيه ههههههه
ميرووه مطرشه مسج (عبود حبيبي انا اسفه بس انته ضايقتبي برتاح شويه وبهداء وبتصلبك )
بعد عشر دقايق
ميرووه :هلا عبود زعلان حبيبي؟
عبود : لا عادي بس مب حلوه منج تبندين في ويهي ( المه تراضو بعد ربع ساعه )
ميرووه :عبود حبيبي متى بطرشلي التلفون .
عبود : ليش انتي متصله عشان التيلفون ؟
ميرروه : لا افا عليج حبيبي بس اسال ؟
عبوه : هيه الحمد لله لاني ماشتريت شي بس اسولف وياج عشان تردين عليه .
ميرووه : انته جذااب وانا ماكلم الجذابين يالله اجلب ويهك وفارج . طوط طوط طوط في الويه
بعد يومين
ميرووه : هلاهلا حبي هلا بهزااااااااع
هزاع : مسرعج حبيتيني
ميروه : انته تنحب بسرعه وبعدين انا اول مره اكلم واااحد
( وتسويله فلم هندي نفس ما سوت لعبود )
والسموحه مش كل البنات نفس الشي
ونلتقي مره ثانيه في قصه يديده من قصص جذب البنات :d